Antoine de Saint-Exupéry

» Le Pice Prinz «

Traduziun tl ladin dla Val Badia:
Giovanni Mischí

[The Little Prince / Le Petit Prince / Der kleine Prinz]

96 Seiten

ISBN 978-3-946190-54-7

€ 16,00

La pröma sëra m’êi indormedí tl saurun dl desert, milesc y milesc de chilometri dalunc da vigni abitaziun umana. I me sintî plü su co n profugh amesa l’ozean sön na ciata. I podëis porchël ves imaginé mia morvëia da gní descedé da doman da na picia usc fina che me dijô:

“Prëitambel, … me dessëgneste na biscia?”

“Ci?” “Dessëgneme na biscia …!”

I ê stluté impé sciöche sce al m’ess dé jö le tonn. I m’â sfrogoréi edli y ciaran n pü’ incërch âi spo odü na picia creatöra che meejaminâ cun gran scerieté. Chiló ves mostri le plü bel retrat ch’isun plü tert sté bun da fá. Al ne n’é sambëgn nia tan bel co le model original. Al ne n’é nia mia colpa sce i gragn m’á bele destut cun sis agn da dessigné. Insciö âi iö ma imparé da dessigné bisches boa odüdes da deforaía y da daite.