Erich Kästner

» Die fljoogende Klassenruum «

In’t Seelterfräisk
uursät fon
Gretchen Grosser.
Mäd Bielden fon Walter Trier

144 Seiten, Paperback


ISBN
978-3-943052-59-6


13,90

Dütmoal wäd dät een rägelgjucht Wienachts-Fertälster. Nau nuumen wüül iek dät al foar two Jiere skrieuwe; un dan, heel wisse, in dät fergeene Jier. Man, wo dät so is, deer koom altied wät twiske. Bit mien Määme knu kwaad: „Wan du dät nu nit skrifst, krichst du niks tou Wienachten!“

Deermäd waas dät aal äntskadt. Iek pakkede handich min Kuffer, laide deer dän Tennisstok, dät Boadetjuuch, dän gräine Bläistikke un grääsich ful Skrieuwpäpier oun un fräigede, as wie swittend un bäkoowe in ju Boanhoafsshalle stuuden: „Un wierwai nu?“ Dan, dät is wisse läip stuur, midde in dän heetste Hochsuumer een Wienachtsfer-Fertälster tou ferfoatjen. Me kon sik daach nit goud ap do Billen sätte un skrieuwe: „Dät waas sniedend koold, die Snee fäl as uut Ommere, un dän Heer Dokter Eisenmayer ferfroosen, as hie truch dät Finster keek, sein bee Oorlappen“ – iek meene so wät kon me daach bie’n bääste Wille nit in’n August waiskrieuwe, wilst me as aan Smoorbroade in’t Familienboad lait un ap dän Hattesleek täiwt! Of?